كتر خيرها..محمد العمراني
كتر خيرها
@@@@
عربيتى الفورد
اللى شريتها
وفاصلت صحابى
اللى باعتها
وأخدتها منهم
بحالتها
جربتها شهرين
ولقيتها
عشريه بتمشى
بنيتها
وزى البغله بتعرف
بيتها
وعشان كده على طول
حبيتها
وبسيبها تجرش
براحيتها
تحت مظلة باركن
بيتنا
وبحافظ على كل
حاجتها
وبشوفها من اجناب
مرايتها
ومابنساش مواعيد
صيانتها
وانا لسه مجدد
عفشتها
بمساعدين وسوست
شديتها
والاستبن اللى ف
شنطتها
لسه جديد والناس
عرفتها
من تفويل زيتها
ومايتها
من نعومتها ومن
ماركيتها
من نتشتها ومن
سحبتها
من فراميلها ومن
سرعتها
من توفير وقتى ف
تدويرها
مهما تكون احسن من غيرها
كتر كتر كتر خيرها
@@@
تعليقات
إرسال تعليق